Ozarbayjon, Turkiya va O‘zbekiston “Birlik kuchi – 2026” qo‘shma mashg‘ulotlarini o‘tkazadi
O'zbekiston
Ozarbayjon, Turkiya va O‘zbekiston “Birlik kuchi – 2026” qo‘shma harbiy mashg‘ulotlarini o‘tkazadi. Uch bosqichdan iborat mashg‘ulotlar Ozarbayjon hududidagi bir nechta o‘quv maydonlarida bo‘lib, ularda harbiy xizmatchilar, jangovar texnika, harbiy-dengiz va aviatsiya vositalari, shuningdek, uchuvchisiz uchish apparatlari jalb etiladi.
Mashg‘ulotlarda uch mamlakat qurolli kuchlari harbiylari ishtirok etadi. Ozarbayjon Mudofaa vazirligi ma’lumotiga ko‘ra, ular Qorabog‘ iqtisodiy rayonidagi “Qizilqaya” o‘quv markazi, Naxchivon Muxtor Respublikasidagi “Qorabog‘lar” o‘quv markazi hamda Ozarbayjonning Kaspiy dengizidagi sektorida joylashgan “Böyük Zirə” o‘quv hududida tashkil etiladi.
Mashg‘ulotlarning asosiy maqsadi qo‘shinlarning qo‘shma operatsiyalarni o‘tkazishga tayyorgarligini oshirishdan iborat. Shuningdek, bo‘linmalar o‘rtasidagi muvofiqlikni takomillashtirish, tayyorgarlik jarayonlarini standartlashtirish va harbiy qismlarning jangovar imkoniyatlarini rivojlantirish ko‘zda tutilgan. Mashg‘ulotlarda turli harbiy texnika, aviatsiya va harbiy-dengiz vositalari, shuningdek, BPLAlardan foydalaniladi.
Mashg‘ulotlarga tayyorgarlik ishlari allaqachon boshlangan. Turkiya Milliy mudofaa vazirligi 14-mexanizatsiyalashgan piyoda brigadasi bo‘linmalari 15-sentabr kuni Kars garnizonidan Ozarbayjondagi “Qizilqaya” va “Qorabog‘lar” o‘quv maydonlariga yo‘l olganini ma’lum qildi. Ozarbayjon Mudofaa vazirligi esa Turkiya Qurolli kuchlarining harbiy xizmatchilari va aviatsiya vositalari mashg‘ulotlarda ishtirok etish uchun mamlakatga yetib kelganini tasdiqladi.
Tasdiqlangan rejaga muvofiq, harbiy xizmatchilarni joylashtirish va boshqa tashkiliy masalalarni hal etish bo‘yicha zarur choralar ko‘rilgan. Mashg‘ulotlarning yakunlanish sanasi hozircha e’lon qilinmagan.
Shu tariqa, “Birlik kuchi – 2026” uchta hududda quruqlik, havo va dengiz komponentlarini jalb etgan holda o‘tkazilib, qo‘shma o‘quv vazifalari doirasida bo‘linmalar hamkorligini sinovdan o‘tkazishga qaratiladi.
Mashg‘ulotlarning asosiy maqsadi qo‘shinlarning qo‘shma operatsiyalarni o‘tkazishga tayyorgarligini oshirishdan iborat. Shuningdek, bo‘linmalar o‘rtasidagi muvofiqlikni takomillashtirish, tayyorgarlik jarayonlarini standartlashtirish va harbiy qismlarning jangovar imkoniyatlarini rivojlantirish ko‘zda tutilgan. Mashg‘ulotlarda turli harbiy texnika, aviatsiya va harbiy-dengiz vositalari, shuningdek, BPLAlardan foydalaniladi.
Mashg‘ulotlarga tayyorgarlik ishlari allaqachon boshlangan. Turkiya Milliy mudofaa vazirligi 14-mexanizatsiyalashgan piyoda brigadasi bo‘linmalari 15-sentabr kuni Kars garnizonidan Ozarbayjondagi “Qizilqaya” va “Qorabog‘lar” o‘quv maydonlariga yo‘l olganini ma’lum qildi. Ozarbayjon Mudofaa vazirligi esa Turkiya Qurolli kuchlarining harbiy xizmatchilari va aviatsiya vositalari mashg‘ulotlarda ishtirok etish uchun mamlakatga yetib kelganini tasdiqladi.
Tasdiqlangan rejaga muvofiq, harbiy xizmatchilarni joylashtirish va boshqa tashkiliy masalalarni hal etish bo‘yicha zarur choralar ko‘rilgan. Mashg‘ulotlarning yakunlanish sanasi hozircha e’lon qilinmagan.
Shu tariqa, “Birlik kuchi – 2026” uchta hududda quruqlik, havo va dengiz komponentlarini jalb etgan holda o‘tkazilib, qo‘shma o‘quv vazifalari doirasida bo‘linmalar hamkorligini sinovdan o‘tkazishga qaratiladi.
Powered by Froala Editor