Tramp jahon yetakchilarini Eron bilan iqtisodiy aloqalarni to‘xtatishga chaqirdi
Dunyo
AQSh Prezidenti Donald Tramp jahon yetakchilari bilan telefon orqali muzokaralar o‘tkazib, ularni Eron bilan iqtisodiy hamkorlikni to‘xtatishga chaqirmoqda. Bu haqda AQSh Moliya vaziri Skott Bessent Vashingtonning Tehronga qarshi iqtisodiy bosimni kuchaytirishga qaratilgan yangi kampaniyasi boshlanganini e’lon qilgan paytda ma’lum qildi.
Bessentning so‘zlariga ko‘ra, AQSh Moliya vazirligi, Davlat departamenti va harbiy idoralar vakillari ham xorijiy hamkasblari bilan muzokaralar olib bormoqda. Ular Vashingtonning pozitsiyasi va boshqa davlatlardan kutilayotgan choralarni tushuntirmoqda.
«Prezident jahon yetakchilariga qo‘ng‘iroq qilib, ular bilan rejim o‘rtasidagi aloqalarni to‘xtatish bo‘yicha aniq talablarni bildirmoqda», — dedi Bessent. Uning ta’kidlashicha, AQSh har bir davlat uchun Eron bilan aniqlangan faoliyatni to‘xtatish muddatlarini belgilagan. Talablar bajarilmasa, Vashington Moliya vazirligi vakolatlaridan foydalangan holda bir tomonlama choralar ko‘rishi mumkin.
24-avgust kuni AQSh Moliya vazirligi Operation Economic Outcast nomli keng ko‘lamli kampaniya boshlanganini e’lon qildi. Tashabbus Eronning xalqaro iqtisodiy aloqalarini uzishga va Tehronning moliyaviy imkoniyatlarini cheklashga qaratilgan.
Yangi choralar raqamli aktivlar, texnologiyalar, oltin, aviatsiya va dengiz tashuvlari kabi sohalarni qamrab oladi. Shuningdek, AQSh Eron bilan bog‘liq sanksiyalarni chetlab o‘tish, neft operatsiyalari hamda yadroviy va raketa texnologiyalarini rivojlantirish bilan aloqador qariyb 60 ta tashkilot, shaxs va kemaga nisbatan sanksiyalar joriy etdi.
Bessent Eron bilan iqtisodiy aloqalarni davom ettirayotgan davlatlar va tashkilotlar AQSh moliya tizimidan foydalanish bo‘yicha cheklovlarga duch kelishi mumkinligini bildirdi. Vashington esa keskin choralar qo‘llanishidan oldin boshqa davlatlarning siyosatini o‘zgartirishini kutayotganini ma’lum qildi.
«Prezident jahon yetakchilariga qo‘ng‘iroq qilib, ular bilan rejim o‘rtasidagi aloqalarni to‘xtatish bo‘yicha aniq talablarni bildirmoqda», — dedi Bessent. Uning ta’kidlashicha, AQSh har bir davlat uchun Eron bilan aniqlangan faoliyatni to‘xtatish muddatlarini belgilagan. Talablar bajarilmasa, Vashington Moliya vazirligi vakolatlaridan foydalangan holda bir tomonlama choralar ko‘rishi mumkin.
24-avgust kuni AQSh Moliya vazirligi Operation Economic Outcast nomli keng ko‘lamli kampaniya boshlanganini e’lon qildi. Tashabbus Eronning xalqaro iqtisodiy aloqalarini uzishga va Tehronning moliyaviy imkoniyatlarini cheklashga qaratilgan.
Yangi choralar raqamli aktivlar, texnologiyalar, oltin, aviatsiya va dengiz tashuvlari kabi sohalarni qamrab oladi. Shuningdek, AQSh Eron bilan bog‘liq sanksiyalarni chetlab o‘tish, neft operatsiyalari hamda yadroviy va raketa texnologiyalarini rivojlantirish bilan aloqador qariyb 60 ta tashkilot, shaxs va kemaga nisbatan sanksiyalar joriy etdi.
Bessent Eron bilan iqtisodiy aloqalarni davom ettirayotgan davlatlar va tashkilotlar AQSh moliya tizimidan foydalanish bo‘yicha cheklovlarga duch kelishi mumkinligini bildirdi. Vashington esa keskin choralar qo‘llanishidan oldin boshqa davlatlarning siyosatini o‘zgartirishini kutayotganini ma’lum qildi.
Powered by Froala Editor