Tramp yana Xitoyni AQSH saylovlariga aralashishda aybladi
Dunyo
AQSH Prezidenti Donald Tramp yana Xitoyni Amerika saylovlariga aralashishda ayblab, mamlakat saylov tizimidagi jiddiy zaifliklarga oid razvedka hujjatlarini maxfiylikdan chiqarishga va’da berdi. Uning bayonotlari Pekinning rasmiy munosabatiga hamda AQSHda yangi siyosiy bahslarga sabab bo‘ldi.
Oq uyda so‘zga chiqqan Trampning ta’kidlashicha, Xitoy hukumati 2018-yilgi Kongress saylovlari va 2020-yilgi prezidentlik saylovlariga ta’sir ko‘rsatishga uringan. Shuningdek, u 2020-yildan buyon Xitoy 220 millionga yaqin amerikalik saylovchining ismi, manzili, telefon raqami va partiyaviy mansubligiga oid ma’lumotlarni qo‘lga kiritganini iddao qildi.
Prezident ayrim shtatlarning saylovchilar ro‘yxatlarida taxminan 278 ming nafar AQSH fuqarosi bo‘lmagan shaxslar hamda vafot etgan fuqarolar qayd etilganini ham aytdi. Uning so‘zlariga ko‘ra, saylov tizimidagi «jiddiy zaifliklar»ga oid razvedka hujjatlari yaqin kunlarda oshkor qilinadi. Tramp saylovchilarni ro‘yxatdan o‘tkazish va ularning shaxsini tasdiqlash tartibini yanada qat’iylashtirish zarurligini yana bir bor ta’kidladi.
Xitoyning AQSHdagi elchixonasi vakili Lyu Chan ushbu ayblovlarni rad etib, Pekin hech qachon AQSH saylovlariga aralashmaganini va bunday niyati yo‘qligini bildirdi. Uning so‘zlariga ko‘ra, saylov natijalari faqat Amerika xalqining irodasi bilan belgilanadi.
Shu bilan birga, AQSHning qator OAVlari va ekspertlari Trampning ayrim bayonotlariga shubha bildirdi. Ularning qayd etishicha, saylovchilar ro‘yxati ochiq ma’lumot hisoblanadi, SAVE tizimi esa fuqarolik maqomini aniqlashda xatoliklarga yo‘l qo‘yishi mumkin. Tahlilchilarga ko‘ra, Trampning chiqishi Save America Act qonun loyihasini ilgari surishga qaratilgan bo‘lib, u saylovchilarni ro‘yxatdan o‘tkazish va shaxsini tasdiqlash talablarini kuchaytirishni nazarda tutadi.
Prezident ayrim shtatlarning saylovchilar ro‘yxatlarida taxminan 278 ming nafar AQSH fuqarosi bo‘lmagan shaxslar hamda vafot etgan fuqarolar qayd etilganini ham aytdi. Uning so‘zlariga ko‘ra, saylov tizimidagi «jiddiy zaifliklar»ga oid razvedka hujjatlari yaqin kunlarda oshkor qilinadi. Tramp saylovchilarni ro‘yxatdan o‘tkazish va ularning shaxsini tasdiqlash tartibini yanada qat’iylashtirish zarurligini yana bir bor ta’kidladi.
Xitoyning AQSHdagi elchixonasi vakili Lyu Chan ushbu ayblovlarni rad etib, Pekin hech qachon AQSH saylovlariga aralashmaganini va bunday niyati yo‘qligini bildirdi. Uning so‘zlariga ko‘ra, saylov natijalari faqat Amerika xalqining irodasi bilan belgilanadi.
Shu bilan birga, AQSHning qator OAVlari va ekspertlari Trampning ayrim bayonotlariga shubha bildirdi. Ularning qayd etishicha, saylovchilar ro‘yxati ochiq ma’lumot hisoblanadi, SAVE tizimi esa fuqarolik maqomini aniqlashda xatoliklarga yo‘l qo‘yishi mumkin. Tahlilchilarga ko‘ra, Trampning chiqishi Save America Act qonun loyihasini ilgari surishga qaratilgan bo‘lib, u saylovchilarni ro‘yxatdan o‘tkazish va shaxsini tasdiqlash talablarini kuchaytirishni nazarda tutadi.
Powered by Froala Editor