Kuba prezidenti AQSHni «siyosiy genotsid»da ayblab, sanksiyalarni bekor qilishga chaqirdi
Dunyo
Kuba prezidenti Migel Dias-Kanel AQSHning orolga nisbatan siyosatini keskin tanqid qilib, uni «siyosiy genotsid» deb atadi hamda Vashingtonni amaldagi sanksiyalar va neft embargosini bekor qilishga chaqirdi. Bayonot Monkada kazarmalariga hujumning 73 yilligi munosabati bilan o‘tkazilgan marosimda yangradi.
Dias-Kanel o‘z nutqida Kubaga nisbatan «maksimal bosim» va iqtisodiy siquv siyosati olib borilayotganini ta’kidladi. Shuningdek, u o‘tgan hafta e’lon qilingan AQSH Davlat departamenti hisobotidagi Kubaning AQSH davlat idoralariga kirib borgani va chap qanot terrorizmini qo‘llab-quvvatlagani haqidagi ayblovlarni rad etdi.
Kuba rahbarining fikricha, bunday bayonotlar AQSHning ichki ijtimoiy-iqtisodiy muammolari uchun tashqi aybdorni izlashga qaratilgan. U, shuningdek, Kuba na AQSH, na boshqa davlatlar uchun tahdid emasligini ta’kidladi.
Ikki davlat o‘rtasidagi taranglik saqlanib qolayotgan bir paytda, Reuters va Associated Press ma’lumotlariga ko‘ra, Kubada elektr energiyasi uzilishlari, yoqilg‘i, dori-darmon va ichimlik suvi taqchilligi hamda jamoat transporti faoliyatidagi uzilishlar davom etmoqda.
AQSH esa yuzaga kelgan vaziyat uchun javobgarlikni Kuba hukumatiga yuklab, iqtisodiy boshqaruvdagi muammolar va eskirgan infratuzilmaga yetarli investitsiya kiritilmaganini ta’kidlamoqda.
Kuba rahbarining fikricha, bunday bayonotlar AQSHning ichki ijtimoiy-iqtisodiy muammolari uchun tashqi aybdorni izlashga qaratilgan. U, shuningdek, Kuba na AQSH, na boshqa davlatlar uchun tahdid emasligini ta’kidladi.
Ikki davlat o‘rtasidagi taranglik saqlanib qolayotgan bir paytda, Reuters va Associated Press ma’lumotlariga ko‘ra, Kubada elektr energiyasi uzilishlari, yoqilg‘i, dori-darmon va ichimlik suvi taqchilligi hamda jamoat transporti faoliyatidagi uzilishlar davom etmoqda.
AQSH esa yuzaga kelgan vaziyat uchun javobgarlikni Kuba hukumatiga yuklab, iqtisodiy boshqaruvdagi muammolar va eskirgan infratuzilmaga yetarli investitsiya kiritilmaganini ta’kidlamoqda.
Powered by Froala Editor