Ulug‘bek Rashitov ikki yilga chetlatildi

Xalqaro test agentligi (ITA) o‘zbekistonlik taekvondochi Ulug‘bek Rashitov antidoping qoidalarini buzgani uchun ikki yil muddatga chetlatilgani haqida rasman xabar berdi. Qoidabuzarliklar bir yil ichida sodir etilgan majburiy joylashuv ma’lumotlarini (whereabouts failures) uch marta o‘tkazib yuborishga taalluqli.

Rashitov ayblovlarga e’tiroz bildirmadi va tayinlangan jazoga o‘z ixtiyori bilan rozi bo‘ldi, shu munosabat bilan ish ko‘rib chiqishlarsiz, oqibatlarga rozi bo‘lish mexanizmi asosida yopildi.

ITA qaroriga ko‘ra:

• Diskvalifikatsiya davri sportchi o‘z ixtiyori bilan musobaqalarni to‘xtatgan paytdan - 2025-yil 13-maydan boshlanadi;
• Diskvalifikatsiya 2027 yil 12 maygacha davom etadi;
• 2025-yil 3-fevraldan 2025-yil 13-maygacha erishilgan barcha individual sport natijalari bekor qilinadi.

Qayd etilishicha, Rashitov ro‘yxatga olinadigan testlar to‘plamiga (RTP) a’zo bo‘lgan, uning ishtirokchilari har kuni o‘zlarining joylashuvi to‘g‘risida aniq ma’lumotlarni taqdim etishlari va mumkin bo‘lgan rejadan tashqari doping nazorati uchun har kuni 60 daqiqa vaqt ajratishlari shart. 12 oy davomida uch marta sodir etilgan qoidabuzarliklar Butunjahon taekvondo antidoping qoidalarining 2.4-moddasi bo‘yicha dopingga qarshi qoidabuzarlik sifatida tasniflanadi.

Qaror WT qoidalarining 13.2.3-moddasiga muvofiq Sport arbitraj sudiga (CAS) qayta ko‘rib chiqilishi mumkin.

ITA ushbu ish bo‘yicha qo‘shimcha izoh bermaydi.

Powered by Froala Editor